K.T.P. Kumpuan Thupui : PATHIAN HNAIH -THUPUI II: PATHIAN HNAIH PAWIMAWHNA

 K.T.P. Kumpuan Thupui : PATHIAN HNAIH

THUPUI II: PATHIAN HNAIH PAWIMAWHNA

Chhiar tur: Johana 15:1-5: Hebrai 4:16

Pathian hnaih chu eng nge a ṭulna? Pathian hnaih chu eng anga pawimawh nge a nih? Heng zawhnate hi heti hian chhâng dawn ila. 

1. Sual Hnehna a ni: Sual a pun mêkna khawvelah hian Pathian hnaih hi kan chakna a ni tih hre reng ila. Sual chu eng anga nasa pawhin rawn thawk mah se min tichaktu Pathian avangin hnehna kan chang zel ang. Pathian chakna rinchhantuten hmelma an hneh ṭhin.

PATHIAN HNAIH AWMZIA

K.Ț.P. Kumpuan Thupui 2020 - 2021 : PATHIAN HNAIH 

Ziaktu: Rev. Dr. B. Lalnunzira 

 THUPUI I: PATHIAN HNAIH AWMZIA

Chhiar tur: Jakoba 4:7-8; Sam 73:27-28

Sawihawnna

Ringtute tana thil pawimawh tak chu Pathian hnaih hi a ni. Kan Bible-ah hian Pathian hnaih tura sawmna te, Pathian hnaiha awm ṭhatzia te, Pathian hnaih tura thianghlimna pawimawhzia te kan hmu. Nitin awm dan dik tak leh fel taka kan nun theih nan Pathian hnaih hi a pawimawh em em a ni. Rawngbawltu nung leh hlawhtling ni tur chuan kan chakna Pathian pawh phaka awm hi thil tihmakmawh a ni a. Pathian hnaih ṭheuh ila, mimal leh kohhran nun a chau ngai lovang. Chuvangin Pathian hnaih chungchang hi kan zir thar a pawimawh hle. Tun ṭumah hian Pathian hnaih chu eng nge ni tih hi kan zir ho dawn a ni. 

Pathian hi hnaih theih a ni em? 

Thuthlung Hlui hmun tam takah Pathian thianghlimzia leh thikthu chhiatzia kan hmu a. A thianghlim em avanga amah hnaiha awm chu thil hlauhawm tak anga sawi a ni ṭhin. Thing buk alh hluah hluah hmanga Mosia koh a nih khan a awmna hnaia kal kha Pathianin a phal reng reng lo. “Rawn hnaih suh khai,” tiin a ke ata a pheikhawk phelh turin a ti hial zawk a ni (Ex 3:5). Pathian chenna – inbiakna puan inah pawh Puithiam leh Levia chi te tih loh chu Lalpa hmaa kal hnaih phal a ni lo (Num 16:40; Ezek 44:15). Hetiang a nih lai hian Pathian hnaih tura sawmna hmun tam takah kan hmu bawk. Zawlnei Isaia kal tlangin Lalpa chuan, “Nangniho hian mi rawn hnaih ula, ngaihthla rawh u,” (Isaia 48:16) tiin a mite a sawm a ni. Hebrai lehkhathawn ziaktu chuan, “… rinna famkim neia thinlung tak zet puin i hnaih ang u,” a ti bawk (Hebrai 10:22). Tlukna avanga Pathian hnaih thei tawh lote kha Krista, chatuan puithiam inhlanna avangin Pathian hnenah hnuh hnaihin kan awm leh ta a (1 Pet 3:18), Pathian kan hnaih leh thei ta a ni.

RALNA HUN HMAN ANI

July ni 16, 2020 (Ningani) zân khan kan Branch KȚP chuan Pi Sanghmingliani ralna a nei a, Branch Committee member leh Group tin Office Bearers te'n ralna hun kan hmang. Pu Hmingthantluanga Pachuau, Branch Asst. Leader-in a kaihruai.

Branch hmingin ralna thilpek hlan a ni a. Tin, a fate Nl. C. Lalrinhlui (Matthaia Group), Nl. Lalruatkimi (Marka Group), Nl. C. Lalremmuani & Tv. C. Lalremruata (Luka Group) awmna Group te'n ralna thilpek an hlan bawk.
Khawhar chhûngte Pathian awmpuina leh thlamuanna kan dil sak e.

Ralna Hun Hmang

June ni 1 zân khan Nl. C. Lalsangpuii nu Pi Zonunmawii (TN 29.05.2020) râlna hun hman a ni a, Branch Office Bearers leh Matthaia Group Office Bearers te'n an hmanpui.

Râlna hun hi Pu PD. Vanlalzawna, Branch Leader-in a kaihruai a, râlna thilpêk hi Tv. Lalliansanga, Branch Asst. Secretary-in a hlân a ni. Matthaia Group te'n râlna thilpek an hlan bawk.

Nl. C. Lalsangpuii hi Matthaia Group - Finance Secretary nihna chelh mêk a ni a, khawhar chhungte kan tawrhpui takzet a, Pathian awmpuina kan dil sak e.

        (Matthai Group In Ralna an hlan lai)

               (Branch in Ralna an hlan lai )

SYNOD HOSPITAL AH THISEN PEK ANI

CKTP Hmingin Ni 27/06/2020 (inrinni ) khan Synod Hospital Blood Bank ah ah Leitan South Branch KTP te chuan Thisen Unit 33 pek ani

He Hun ah hian Member 54 kal ah, Mi 33 in Thisen an pe thei a, Thisen Petu te tu te hi Mipa 27 leh Hmeichhia 6 te an ni.. Member kal chhuak leh Thisen pe te zawng zawng te chungah Lawmthu kan sawi tak zet ani

KRISTIAN NUN TAKNA - ṬHALAITE NITIN NUNAH

(ṬHEN RUKNA)
Bible châng ⇒ Sam 37:1-8
Awle, kum 2019-2020 chhûnga kan kum puan thupui zir hnuhnung ber tur kan lo thleng leh ta
reng mai. He kan thupui zir tur hi Covid-19 avangin kan zirho thei ta si lo va, a zirlai hi a \ha bawk si
a, zir loh atan chuan a uiawm bawk nen; thiam ang angin kan han thai lang ve ang e.
Kristian nunah hian takna hi a pawimawh êm êm a, takna nei lo ringtu chuan belhchian a dawl
lo fo \hin. Kristian nun hi a hranpain a hlangin a awm thei lova, kan chênna hmun leh kan chhehvel,
chhûngkuaah te, ram leh hnam zia a\ang te hian lakhran theih tak tak a ni lova; nimahsela, engtin nge
chu Kristian nun chu kan nitin nunah kan lanchhuah tir theih ang tih hi kawmg hrang hrangin i lo thlir
ho dawn teh ang.
1. Zirnaah: Kristian |halai Pawl member tam tak hi chu zirlai ni mêk kan ni a, zirna hi mihring
nunah a pawimawh zia chu kan hre tlâng vek awm e. Zirna hi hmasawnna bul, thiamna kailawn,
changkânna bul a ni a, chu chu hre reng mah ila, bei \ang \ang a, a tawp thleng peih erawh kan
\hahnem lo \hin hle mai. A kalkawng hi a thui a, harsatna paltlang tur tam tak a awm a ni. Chu thil
hmachhawn chu thil namai lo tak a ni \hin.
Kan zirlai kan zirna kawngah te hian kan rinawm tawk em, mi zir sa leh homework,
assignment tih sa ringin kan zir ve mai mai \hin em, tih te hi kan inenfiah fo a \ul awm e. Pawl sawn
ve reng si hian, thiam lo tak leh dik lo takin kan lo zir chhuak ve mai ang tih a hlauhawm hle mai.
Inenfiah fo \hin ila, exam-naah te entawn hrât kan nih chuan a dik dawn lova, Kristian ni si hian, kan
bula mi ten keimahniah ringtu nihna hmel an hmuh loh a hlauhawm hle a ni. Chuvangin, ti ve mai mai
zirlai ni lovin, hlawhtling ngei tura zir peih kan nih a ngai a. Teirei peih, tih tak takna, urhsunna hi
zirna kawnga hlawhtlinna min petute an ni.

KHAWNGAIHNA

                                         Ahluna Chhakchhuak
A tawngbul lam (Greek) a " _Kharis_ " tih hian mawi leh duhawma lang, min hip em em mai thil sawina a kawk ber a, thilthlawnpek, phu loh hlir, a thlawn liau liauva inpek hi a kawk tel bawk. A Hebrai tawng ah chuan _"Khen"_  tih ani a, voh, duhsak, mit tlung tih te a kawk tel ve thung. Genesis 6:8 a "Nova erawh chuan Lalpa mit a tlung a, tih te pawh kha" Pathian khawngaihna a chang a", tih nen thuhmun a ngaih ani. Chuvangin Thuthlung hlui lamah pawh Khawngaihna hi Israel fate a hruai dan ah te Sam ziak ah te leh lehkhabu dang dang ah te hmuh tur a lo awm nual tawh a. Thuthlung tharah chiah khawngaihna a awm anga sawi hi a dik hlel deuh maithei.

PAULAN ENGTINNGE A SAWI?

Paula hian a lehkhathawn reng reng ah khawngaihna hi a dah chungnung hle a. A thuhril laimu ah mi tamtak in an ngai. "A thisen avangin amahah chuan kan tlanna kan nei ani-a khawngaihna ngahzia ang zela kan bawhchhitnate ngaihdamna chu"

EASTER SUNDAY KHAWHARTHLAK

EASTER SUNDAY KHAWHARTHLAK
                          C.Lalrochhara ,Matthaia Group

Vawiin Easter Sunday hi a khawhar thlak viau naa, lehlam zawnga ngaihtuah chuan Easter hlu tak niin ka hre bawk.

Khaw vawt kan mangtha hun, nipui a lo thawt chhoh hun, Sakhaw lama kan hun pawimawh a ni a, ram vawt taka chengte tan phei chuan  hun hlimawm a inher lai a ni. Khawvel ram tam takah he hun (World Temperature Zone) hi pangpar vul țan, thinghnah leh hnim hring chawr no hun a ni a.

MI VENPUI RAWH U

MI VENPUI RAWH U   Mtt.26:38
                                           Rev.Vanlalbela

Lal Isua an man dawn zana Getsimani huana a tawngtai khan, a zirtirte hnenah, “ Ka rilru a lungngai em em a, thihna khawp hial a ni, mi venpui rawh u,” tiin venpui turin a zirtirte a sawm a; Isua hian venpui a ngai a ni.

LUNGNGAIH HAPTA

                                                                                                                       C.Lalrochhara,Matthaia Group

                                      

Tunlai chu ka hman bawk a, kum danga urhsun taka kan hman ṭhin Tumkauni leh Good Friday te, Easter Sunday te chungchang mithiamte ziak ka hmuh theih ang ang ka chhiar ka chhiar a, ngaihnawm ka tih em em reng chu Pu Chuauṭhuama lehkhabu *ISUA TUALLENNA RAM* bu-a Lungngaih hapta kaihhnawih a ziak te hi a va ngaihnawm tak. Midang ziak ngaihnawm tak tak lah a tam, an hlu ngawt mai.

Kumin 2020 hi kan khawvel hri leng vangin Tumkau Ni, Good Friday leh Easter Sunday te Kohhran hovin programme kan hman theih hmel ta si loa, Tumkau ni a ka rilru a awm chu, kumin hi ka pian a hnu lama Tumkau ni ropui ber ni zawkin ka hria.

Thingtlangah kha chuan Sunday Sikul banah Biak In kawtah Tumkau kengin kan in nghak khawm a, Khawlai kan fang a. Kal hma leh kal dawnah Pu Lalruma hovin, “Hosana! Lalpa hminga lokal chu fakin awm rawh se. Ram lo thleng tur, kan pa Davida ram chu chawimawiin awm rawh se. Chungnung berah khian Hosana!” tiin kan au tuar tuar a. Kan tumkau lah a sang thei ang berin kan chawi a, a ṭhente phei chuan Tumkau lerah Pangpar an ṭawn bet a. Kan ṭhianpa Hruaitluanga au uar lutuk a hmai a sen tai tuk a, au zawhah a khuh bawrh bawrh ṭhinte kha ka mitthlaah a cham reng mai. Ni, chutiang chuan khawlai kan fang a. Kal kawngah ka pi te ho kha an lam derh derh hlawm a. Lung an va ti leng tak.

KTP leh Social Media

(A Hmasa in He Thuziak hi Kritian Ṭhalai March Thla Issue, Article Huang ami F.Vanlalrochana Thuziak lâk chhuah a ni.)


Thu Hawnna:

Thuziaktu hmingthang tak Aldous Huxley chuan 1932 khan Novel pakhat, Brave New World tih a ti chhuak a. Chutah chuan, Future khawvel, nun peng tin mai chu technology-in a thununna khawvel chungchang hi a ziak a. London khawpui chu a thawnthu innghahnana hmangin, a hun chu kum 2450 AD a hmang a. Kan hmalam khawvel lo awm tur, technology-in a thunun dan tur pho chhuah a tum a ni ber a. Kum 17 chauh a la inher liam tihin, kum 1959 khan a chhunzawmna “A brave New World: Revisited” tih a ziak leh ta a. “Ka rin aiin ka thil sawilawk te chu a lo thleng hma a” tiin a sawi. Technology lama hmasawnnain a rawn ken tel chu Social Media a ni. Social Media chu sawi fiah buai ngai tawh loah ka ngai. Social Media chi hrang hrang te chu- Facebook, Whatsapp, Telegram, Hike, You Tube, Blog, Instagram, adt..

KṬP te min nghawng dan 

KRAWS

                                                                                      Rebecca Lalngaihawmi, Marka Group

'Kraws' hi ringtute tan chuan a va'n pawimawh si em! Kraws chu khawvel nena min țhen hrangtu, Krista hnen min hruai thlengtu a ni a, chutah chuan tawrhna leh mualphona a ințan a ni. Kraws chu mi hmuhsit, endawng, misual bera an chhal te an hremna hmun, an khenbehna hmun a ni a, thihna rapthlak bera ngaih a ni. Chu hmunah chuan min chhandamtu, kan Lal Isua ngei chu khenbehin a awm asin. Mi tam takin Kraws hi hmusitin endawng mah se, chutah chuan damna a awm tlat si. A mak a ni tiru.. Tuarna, mualphona leh hmuhsit pawh pawisa lovin a ni Lal Isua hian kan tan a lo tuar ni. Ngaihtuah chian poh leh a makin a ropui a ni. Khawvel mihring zawng zawng sual phura a tawrhna kha a namai lo asin. Chhungkuaa mi pakhat chauh pawh an awmțhat duh lova, sual kawng an zawh chuan kan rilru a na a, kan rûm vawng vawng țhin. Zan mu kan chhing thei lova, chhungrilah kan țap a, kan nunphung a buai vek țhin a ni tiraw? Nimahsela, kan Lal Isua erawh chuan mi pakhat mai pawh ni lo, mi zawng zawng aiawhin, kan sual man tlak nan, min chhandam turin Kraws-ah ngei chuan a tuarin a thi asin. A ropuizia hi chhut ve chhin mah teh u, lawm avangin i mittui a luang nawn leh țhin ang.

Sports Inbuatsaihna Hnatlang neih ani

March 13 zan khan Matthaia leh Marka Group te chuan  Ni 17-21 Chhunga Branch Sports kan neihna tur inbuatsaihna Ni pah fawmin Mahni Group Theme Mil in Flag leh Thil tuldang te inbuatsaihna hun an nei a,Member te an thawkchhuak tha hle.

Matthaia Group te hian Nula Sangpuii te in ah Hun an nei a,Marka Group te hian Nula Rebecca Lalngaihawmi te in an Hnatlang hi an nei

 Member thawkchhuak te chungah Hruaitu ten   Lawmthu an sawi tak zet a,Branch Sports  Neih tur ah pawh Member te tel vek turin Min sawm bawk ani

LAWR KHAWM

KOHHRANAH LO PEM
Rev. Lalmuanzova te chhungkua
(member 4) Barakpur Pastor Bial a\angin
leh Rev. Jehu Laldintluanga te chhungkua,
(member 5) Darchawi Pastor Bial a\angin
kan kohhranah an lo pem a, March 4, Nilaini
zan inkhawmah dawnsawnna hun hman a
ni. Anni hi ATC-a M.Th zir tur an ni.
Hemi zan vêk hian Judithi
Laltlanthangi d/o Thangkunga, Upa Bial 1-
naa mi chu Salvation Army \angin kan
kohhranah lawm luh a ni bawk.

BRANCH SOCIAL NEIH ANI DAWN

Kumtina kan lo hman ṭhin angin
August 10-17, 2020 chhung hian Branch
Social hman a ni leh dawn. Zan 1-na Thu
leh hla zân, zan 3-na - Ennawm zân, zan
4-na - Social kharna. Henga item zawng
zawng hi intihsiakna atan hman a ni ang a,
endik turin mi thiam sawm a ni ang.

BRANCH SPORT NEIH A NI DAWN

Zan 1-na
A hun : March 17, Thawhlehni zan
A hmun: Electric Veng YMA Hall
Items:
1) Basketball (Mipa)
2) Free throw (Hmeichhia)
3) 3 Legged Race (Hmeichhia)
Zan 2-na
A hun : March 20, Zirtawpni zan
A hmun: Sunday School Hall
Items:
1) Puanzar (Mix)
2) Chana inchhar tam siak
3) Maida Games (Mix)
4) Mobile Games (Mix)
5) Thumal inrem khawm siak
6) Tac Toe (Mix)
7) Inbuk
8) Pictionary
Ni 3-na
A hun : March 21, Inrinni nileng
A hmun: Hualngohmun Field
Items:
1) Football (Mipa)
2) Volleyball (Hmeichhia)
3) 100 Meter Race (Mix)
4) Relay Race (Mi)
5) High Jump (Mipa)
6) Long Jump (Hmeichhia)
7) Spoon Race (Hmeichhia)
8) Photo Competition
Best Supporting Group leh Best
Group thlan a ni bawk ang.
He sports kan neih tura hak tur hi
Branch Committee chuan Jersey thar
Group tin hak tur a lei thar dawn bawk.

Kohhran Dik vs Dik lo

 Kohhran dik chuan Isua Krista rin hi chhandamna a ni an ti a, eng mah belh tel
an awih lo va. A dik lo erawh chuan Isua ring ti ve tho chungin an pâwl tih dân
eng emaw an belh tel \hîn.
 Kohhran dik chuan Lal Isua tân chauh an thawk a, an pâwl tihpun ngawt an
thupui lo va, a dik lo erawh chuan mi thawh ênsaah pâwl an din a, ringtute an
tibuai \hîn.
 Kohhran dik chuan Isua duh zâwng rilru, nun leh thiltih an tuipuiin an zirtîr a,
a dik lo chuan an pâwl tih dân an tuipui tel tlat \hin.
 Kohhran dik chuan an thurin innghahna te, an thawh tum dân te, an ngaih
pawimawh te a inan tlân avângin tih dân leh kalphung hrang deuh pawh an
\ang tlângin an thawhpui thei a. A dik lote chuan tumah an kawp thei lo va,
tumahin an thawhpui thei tak tak lo va, an ze milpui âwm deuhte pawh an
thurualpui thei \hin lo.
 Kohhran dik lo chuan kohhran hrang hrang rin dan tlangpui baka thurin emaw
thil tih ngei tur uar bik an nei \hin. An thu uar bik \awmpui ve lote chu chhandam
ni ve lo tur hialin an sawi \hin. Chanchin |ha la hre lote zinga rawngbawl ai
mahin ringtute zingah chet an ching, an sawi zat hi ring lote hnenah Chanchin
|ha sawi se a va \ha zawk dawn em!

KOHHRAN SAWISEL

Kan rama kohhran zah lohna leh
pawisak lohna lo pung nasa tial tial
hi a chhan zawng dawn ila sawi tur a
awm nual mai thei. He thil hian kan
ram a rûn mêk a, social media
hmanga issue siam duhna vanga
kohhran bei ta mai te, hero leh mi
ngaihsan nih chak avanga mi tih vak
loh lam kohhran beih leh sawisêl
lama ram\ang ta mai te kan ni em?
Kan ramah hian kohhran huvâng
a la lian kan tih viau lai hian kohhran
sawisêl leh nêk nuam ti ve hrim hrim,
kohhran chhunga lungawi lohna
emaw, lawm loh deuhna emaw nei
chunga kohhran khen châk riau hi
kan pung ve tial tial niin a lang.
Kohhran thawhlawm leh sum
chêt vêl dan leh budget
chungchangah te thil chinchhuak hre
si lo va social media lama tlangaupui
chiam chiam, mipui rilru hruai sual
thei zawnga aupui vak vak mai te hi
kan hreh lo \an hle.
Kohhran seltute hian kohhran
hmangaihna thinlung tak tak a\anga
sel nge an nih ang kohhran sâwt châk
riauna a\anga zawkin aw?
Pawn lam a\anga kohhran
beitute hian kohhran chhungah
awmin neitu rilru an put loh vang
a ni ber. Chhungkuaah pawh kan
fate sualna leh \henawmte laka
kan mualpho theihna tur chu kan
thup \ang \ang zawk a ni ngai a,
hmangaihna leh khawngaihnaa
kan inen \hin avangin.

KTP INKAIHHRUAINA THAR TIHDANGLAM THENKHAT

1. Member ni thei chin kum 14 atangin tih thin chu kum 15 atangin tih a ni
2. Mi pakhatin (Branch leh Bial OB-ah te) chanvo ngai a zawnin kum thum thleng a chelh thei ang tih thin chu 'Kum hnih thleng' tih a ni
3. Central KTP Committee Member (Bial aiawh thlan) mi 20 ni thin chu mi 25 an ni tawh ang
4. Branch KTP-in 'Branch dang khawih thil lian tham a buatsaih dawnin Central KTP remtihna a la hmasa ang' tih chu 'Bial pâwn khawih thil' tia dah a ni
5. Central Committee tih turah 'General Conference leh Rorel Inkhawma ngaihtuah tura Bialtena thu an thlente a lo thlir ang a, ngaihtuah âwma a ngaihte a chhawp chhuak thin ang.' tih dah tel a ni.

Hengte hi tihdanglam, belh leh siamthat thar thenkhatte a ni a. Inkaihhruaina bu thar hi April thla lamah peih hman tum a ni.

KṬP General Conference Vawi 58na a tiak ta

                    

KṬP General Conference Vawi 58na a Ṭiak ta, Inrinni Nileng khan rorel inkhawm neih a ni
Kum 2024 General Conference neihna tur - Ngopa


February ni 29, 2020 (Ningani) zan aṭanga Leisekawt Field,
Serchhipa K|P General Conference vawi 58-na neih chu March Ni 1 Zan khan a ṭiak
 ta a,  Conference palai riaka kal zawng zawng chu mi 28390 an ni a, heng bakah hian counter lama inreport lemlo a duhna hmun hmuna thleng an awm nual a, khaw chhehvel atangin langa lokal mi engemawzat an awm bawk tih hriat a ni bawk. 

Conference palai tena ni 1.3.2020 chawhma dar 10:00 thlenga motor an hman record chin chu hetiang hi a ni -

Bus 272, Sumo 432 Two Wheeler 2596, Car 1060, Pick up 186, 407 truck 9, 207 pickup 26

Heng bak hi Counter-a in-report
lo engemawzat an awm bawk. Kan Branch atang Bus 1 leh Mahni lir nen mi engemaw zah an kal a,Lang te nen Mi 50/60 Bawr vel kan kal.. General Conference ah hian Zai Hruaitu/Musician atan Kan Branch atang Tv.Lallawmzuala Chu ruat ani bawk..

 29.02.2020 Inrinni khan rorel inkhawm neih a ni a, KṬP General Conference
vawi 60-na chu Ngopa-ah nghah a ni dawn a ni.
.

                   (Lamtual Lenglo in an lam )

     (Kan Branch a tanga Rorel Palaite)
Serchhip Kawnpui Kohhran Biakin a Rorel inkhawm neih hi zing dar 9:30 aṭanga ṭanin, tlai dar
4-ah zawhfel a ni a, rorel inkhawmah
hian palai 1104 an kal a, rorel hma hian
Rev. R.Lalchangliana, Moderator,
Mizoram Synod kaihhruaiin kum 2020
– 2022 chhunga Central K|P hruaitu
thlanna neih a ni a, hemi hnu hian
rorelna neih chhunzawm a ni a,

Thurel engemawzat zinga an pawmte chu –

2020-2022 CKṬP HRUAITU TUR TE

2020 – 2022 chhunga
Central K|P hruaitu
atana thlante
1. Pu Johny Lalawmpuia, Armed Veng Bial.
2. Pu Lalruatfela, Bawngkawn Bial
3. Pu Zosangpuia, Bethlehem Bial
4. Pu Lalremruata Pachuau, Bungkawn Bial
5. Pu Johny Lalthansanga, Chaltlang Bial
6. Pu LV Lalthantluanga, Chanmari Bial
7. Pu Lalrempuia, Chanmari West Bial
8. Tv. Vanromawia, Chhinga Veng Bial
9. Pu PC Lalrinsanga, Dawrpui Bial
10. T.Upa R. Lalbiakmawia
Dawrpui Vengthar Bial
11. Upa Saihmingthanga Sailo
Electric Veng Bial
12. Upa Lalrinmawia Ralte, Khatla Bial
13. Pu Jonathan Lalhruaitluanga
Kulikawn Bial
14. Pu H. Lalrosanga, Luangmual Bial
15. Pu Lalrinchhana Ralte,
Mission Veng Bial
16. T.Upa Malsawmtluanga
Mission Vengthlang Bial
17. Pu Rorelkima, Ramhlun Bial
18. Tv. K. Lalchhanhima
Ramhlun North Bial
19. Tv. Malsawmdawngliana,
Republic Veng Bial
20. Pu David Lalchhuanawma,
Tlangnuam Bial
21. Tv. Benjamin Lalnunpuia
Vaivakawn Bial
22. Pu Ricky Lalremruata, Venghlui Bial
23. T.Upa PC Vanlalnunmawia,
Venghnuai Bial
24. Upa Lalchharmawia,
Zemabawk North Bial
25. Upa H. Zoherliana, Zonuam Bial
SEC chuan Central K|P Leader
atan Rev. Vanlalmuanpuia Khiangte chu a
ruat a, ani bakah hian General Sectaty ni
lai T.Upa Rochungnunga pawh a chanvo
ngai chelh leh turin SEC-in a ruat bawk a ni.

CENTRAL KTP REPORT 2019

2019 Report lawrkhawm
K|P member zawng zawng – 1,54,441 (Mipa - 95,729; Hmeichhia - 58,712)
Member thi zat – 453 (Mipa - 386; Hmeichhia - 70)
Member thi awm lohna bial 54 an awm
Member innei zat – 3537
Biak Ina innei zat - 1584 (44.78%)
Hmun danga innei zat - 1953 (55.22%)
Bial awm zat – 207 (Mizoram chhungah - 197; Mizoram pawnah - 15)
Member tamna bial – Ramhlun North: 2370 (Mipa-1045; Hmeichhia-965)
Member tlemna bial – Buarpui: 41 (Mipa-32; Hmeichhia-9)

KȚP GENERAL CONFERENCE PALAI ROREL THUREL THENKHAT

KȚP GENERA  CONFERENCE
PALAI  ROREL THUREL THENKHAT

Vawiin ni 29 zing dar 9:30- 4:00pm-chhungin Serchhip Kawnpui Kohhran Biak inah rorel neih a ni a, rorel hmain CKȚP hruaitu thlanna neih a ni a, inthlan zawhah rorel chhunzawm niin rorel hi Rev.R.Lalchangliana(Moderator) in thiam takin a kaihruai a ni.He rorelah CKȚP Comt, Synod puipa(Moder

HRUAITU HLUI LEH KTP OVER THLAHNA HUN HMAN ANI

Kan Branch hruaitu ni reng țhin, Pu R. Lalthanmawia chu KȚP member kum bithliah a lo pelh ták avangin February ni 24, Thawhțan zan khan Branch KȚP chuan thlahna kan nei. Amah hi mi inngaitlawm leh rawngbawlnaa mi inpe tak a ni a, kan uiin kan ngai dâwn hle a ni.

AAC Block Thiar a Hnatlang Neih ani

Matthaia Group te chuan Feb 25 Zan khan Budget tuak nan AAC Block thiar in Hnatlang an nei a, Mi 20 lai an thawkchhuak a,Hnatlang te chungah Hruaitu ten Lawmthu an sawi tak meuh meuh ani

Pic Collection :-

MARKA GROUP TE HMALAKNA IN TAWNGTAI BETHEL NEIH ANI

Leitan South Branch KȚP | Marka Group | 2020

February ni 18, Thawhleh zan khan Marka Group-te hmalaknain KȚP Youth Recreation Centre-ah Țawngtai Bethel neih a ni a, member 31 lai kan kal. Țawngtai kar lakah zaihona leh Sharing neih a ni a, a nuamin kan hlawkpui hle.

GROUP HNATLANG

Pic :- Matthaia Group Hnatlang te

Matthai Group :- 
Febuary Ni 15 Zan inkhawm ban khan Mathaia Group te chuan Fire Stop leh Cake zuarin Hnatlang an nei a..Mi 12 thawk chhuakin  Leisak tu te chungah Lawmthu an sawi tak meuh meuh ani

Luka Group :- 

Febuary Ni 15 Ni in Luka Group te pawn Group Budget Sum tuak nan Sachek Siam in an hnatlang a.. Tlai lam ah zawrh nghal ani a.. An hralh zo vek ni in thu kan dawng

SYNOD HOSPITAL BOARD MEETING VAWI 135-NA

SYNOD HOSPITAL BOARD MEETING VAWI 135-NA

- mizoramsynod.org
 February 12, 2020

Vawiin (Feb. 12, 2020) chawhma dar 10:00 khan Synod Hospital Board Meeting vawi 135-na chu J.M. Lloyd Hall, Synod Office-ah an thu.

Committee hi Synod Moderator Rev. R. Lalchangliana’n a kaihruai a, Synod Hospital Board Secretary-in report a pe a, report-ah hian Hospital Director ni lai Dr. L.H. Thanga Singson chu kum 2020-2021 chhung Director hna chelh chhunzawm tura thlan nawn a nih thu te, Synod Hospital Co-ordinator atan Upa Lalrinmuana, Synod Office-a Superintendent hna thawk lai chu 2020-2023
chhung thawk tura ruat a nih thu te, Nursing Superindentent (2020-2023) atan Pi C. Thankhumi ruat thar a nih thu te, Asst. Nursing Superintendent (2020-2023) atan Pi Vanlalhluni ruat thar a nih thu te, Vice Principal (2020-2023) atan Miss Lalrawnliani, Sister Tutor ruat thar a nih thu te, Synod Hospital thawktuten Charity Fund atan Rs. 1,40,000/- an thawh khawm thu te, Dr. Samuel Lalhruaitluanga’n CMC, Ludhiana atangin MS (ENT) tha taka a zir zawh thu te, kumin (2020) January thla chhungin mi inphalte hnen atangin Charity Fund atan Rs. 1,97,810/-, thilpek (donation) hospital mamawh hrang hrang leina tur Rs. 91,260/-, mitthi puan khuhna puan 20, KTP Branch 3 atangin thisen unit 109 dawn a nih thu te tarlan a ni a, January 2020 chhungin Eye Camp tum engemaw zat neih niin base camp-ah damlo inentir 173 leh zai zat 33 an awm thu te, school screening-ah damlo inentir 663 awmin outreach-ah mi 123 inentir an awm thu te tarlan a ni. January 2020 chhung khan Hospital-a damlo admit 1185 an awm a, nau piang 219 awmin mitthi 22 an awm a, major operation 261 leh minor operation 282 an neih hman thu te tarlan a ni bawk.

KUM THARAH - KUM PUAN

KUM THARAH - KUM PUAN

He kum thar hi Isua nena
inlaichinna neih kumah lo puang ve
phawt mai teh, mi rualin i inkhawm \hin
a, mi zai rualin i zai \hin a, mi thawhlawm
thawh rualin i thawh a, a mala i awm
hian Isua nena in inlaichinna a fel ngei
tih i chiang em? Khawvelah hian Isua
mamawh tih inhre si lo, Isua nena
inlaichinna nghet neih loh vanga
beidawng, lungngai, mahni nunna hial
la an va tam ta em!

AWMDAN MAWI

AWMDAN MAWI

1. Hla thlangtuin a number chiang leh
ring deuh hlek a sawi ni se, a
number mai bakah a hla thu tlar
khatna emaw tal sawi tel \hin nise.
2. Inkhawm ban chhuah dawnin hma
a mite ngaichangin hmanhmawh
lutuk lova kal \hin ni se.

Luka Group News

Luka Group te chuan January ni
16 khan ATC ah brick thiarin sum tuak
hnatlang an nei a, member 19 lai an
thawk chhuak a ni.

BIAL K.|.P CONFERENCE VAWI 15-NA REPORT

BIAL K.|.P CONFERENCE VAWI 15-NA REPORT

2021 Bial K|P Conference - Leitan Kohhran

Kristian |halai Pawl, Leitan Pastor Bial Conference vawi 15-na chu Pathian
hruainain January 24-26, 2020 chhung khan kan Kohhran Biak Inah tluang taka
neih a ni a. Thurel kan hriat awmte leh Branch hrang hrangte Report
(January - December, 2019) tlangpui chu hetiang hi a ni:-

Ni 27.01.2020 KTP INKHAWM

 - Thawh\an zan
A hmun : Biak In
Hruaitu : Pu K. Lallawmkima
|antu : Tv. C. Vanlalringliana
Sermon : Tv. C. Lallawmzuala
- Fin. Secretary

BIAK IN ZAHAWMNA

BIAK IN ZAHAWMNA
Khawvel hmasawnna kan tawng
chho mek zel a. Biak Ina thla lak luih
luih mai te kan ching zel a. Amaherawh
chu Kohhran \henkhatah chuan inneih ni
khua leh Kohhran Programme Special
deuh te a nih loh chuan thlalak remti lo
Kohhran kan la awm nual a. A lawmawm
hle.

HMANGCHANG

HMANGCHANG
Tlangval tan:
1. Mahni ina ngawi ngul si, pawn lama \awng duh leh hle si ni suh. Mizo tlangval
zingah hetiang mi hi an awm nual mai. Chhungte nen pawh hlim taka infiam
leh titi ho te hi ching \hin ila a \ha khawp a ni.
2. Mi ina i lenin len rei chin tawk nei la, i lennate hriat loh hlanin haw suh ang
che. Haw dawnah \awngkam mawi takin thlah la, an hriat loh hlana i haw
chuan an ngaih a \ha lo thei a ni.
3. Miin an rel che pawhin haw lo la, a ruka insiam \hat tum nan hmang ang che. Mipa
kan nih angin mi chanchin a chhe zawnga sawi chin loh hi thil \ul tak a ni.
4. Zanah kawtlai a khek ruih ruih chin te hi mawlzia lantirtu a ni.
5. Mizo tlawmngaihna kawngah zahpuiawm pawl nih tum lo la, chhiatni/\hat
niah \henawm khawveng tan \angkai tum ang che.
6. Kal kawngah i \hiante nen eng inkhelhna emaw eg.football, in neih laia mi an
lo kal chuan lo chawlhsan \hin tur a ni. Kawng kal awm laia an bul vela lo tlan
kual sek hi thil mawi lo tak a ni tih kan hriat a \ha.

HMANGAIHNA DIK

HMANGAIHNA DIK
In nun hi fimkhurpui hle teh u (Jer.17:19-23)
-Rev. Dr. L.H. Rawsea

Mipat hmeichhiat hman
sualna hian kan khawvel a chiah hneh
hle. Tunlaia kan harsatna lian ber a
tling hial âwm e. Inrim a, inngaizawng
a, nupui pasala innei \hin kan ni a.
Hetah tak hian fimkhur a \ul hle mai.
Inrim lai vel hi harsatna khuarkhurum
thuk taka tlak palh hlauhawm hun a
ni, kan tluk loh nan kan fimkhur hle
tur a ni.

TB Awareness Campaign buatsaih a ni

Febuary Ni 10 Thawhtan zan inkhawm ban ah Kohhran Hall-ah District TB Centre lam atanga Mithiam te nen TB Awareness Campaign buatsaih a ni a..Member te nen in Pawh takin Hun hman ani.. A  Hlawkthlak pawh kan ti hle..

Pic

BRANCH HNATLANG NEIH ANI

Febuary Ni 7 Zan Khan Kumin a a hmasa ber a tan Branch KTP chuan Sum tuak nan ATC  ah Tanky Hmun tur lei lai in Hnatlang a ko a.. Member te kan thawkchhuak tha hle a.. A chanve kan lai hman a.. Kan laih bang hi Hun dang a tan Laih leh tur a ruahman ani..

NGAWIH THEIH

NGAWIH THEIH

Kan thupui hi a dangdai viau mai thei, Ngawihtheih han tih tawp mai chu.Ngawihtheih hi thil tha nge a nih a thil tha lo tih hi ka ngaihtuah nasa thin a. Chutih laichuan ka rilru ah " Mi A pawh a ngawih reng chuan mifing a ngaih a ni" tihte leh"Silence is Golden" ( Ngawihtheih hi Rangkachak anga hlu a ni) tihte a lo lang uarhuarh a, ngawih ngam te, ngawih theih te hi thil tha tak leh fing tak a lo nih dawn himaw, chuvang chuan Silence is Golden ti a ban vai meuh in ka'n au rilru thuai thuai a.Chutih rual chiah chuan Thuthlunghlui zawlneite chanchin ka'n chhiar leh a, an ngawihtheih loh zia leh an mahni zahawmna leh nunna hial chan huam a hlemhletna leh retheihnuaichhiahna an dodal nasat zia kan chhiar chho a, tin thuthlungthar lam ah lah, LalIsua'n Temple kawt a thil zuar te na tak mai in a hau a , an thil zawrh lai te thinrim tak chung in a paihdarh sak a ni tih te ka'n chhiar chhoh chuan Midum pachal Pathianthuthiam

PATHIAN ZAWLNEI ROPUI R.SAIKHUMA

PATHIAN ZAWLNEI ROPUI R.SAIKHUMA INLARNA ZORAM KHAWVAR LEI ZION

. ZORAM KHAWVAR – LEI ZION Zoramin khawvar a thlen huna Zoram awm dan tur leh hmelhmang a sawi hian a hmelah pawh lang thei khawp hian a hlimin a sawi tui thei em em thin a. Thim thuah Hnihna a sawi lai hmel leh ‘Zoram Khawvar’ hun thu a sawi lai hmel chu danglam tak a ni. Tichuan, “Zoram Khawvar Hun – Lei Zion-ah chuan hetiang dinhmunah hian Zoram chu Lalpa’n a dah tawh dawn” a ti” Hetiangin: 1. Lalpa’n Zoram hi ‘Milem Ban Sawm Nei’ lak ata a lachhuak dawn. 2. Zoram hi ‘Changkha ang mai’ tiin sit suh u. Lalpa’n Zoram lei hnuaiah hian hausakna namen lo a phum a sin. Lunghlu, Rangkachak, Lungalhthei, Tuialhthei te hi namen lo Lalpa’n Zoram lei hnuaiah a dah a, heng hi haichhuah a ni ang. ↧3. Zoram leihnuai hausakna Lalpan a thuhruk hi ‘Milem Ban Sawm Nei’ hnuaia Zoram a awm chhung chuan Lalpa’n haichhuah a phal lo, a hunah haichhuah ^a ni ang. (A thusawi/thupuan hi a ngai ngaiin ka han tilang a ni.) 4. Zoram lei chung hausakna leh malsawmna pawh hi Lalpa’n min hmuhtir dan chuan sawi hian a siak lo. Buh vuite hi

HEI LE PU CHAWNGKHUPA

HEI LE PU CHAWNGKHUPA -

Vanneihthanga 14th January, 2017 (MSR) : He Pu Chawngkhupa thlak hi whatsapp group pakhat Thenzawl Vachadil group-ah Pu Piangliana (RS Villa) in vawiin tlai khan a rawn post hlauh mai a. Ka lawm hle mai. Pu Chawngkhupa hi mi tamtak hmuh danah chuan mi ang phak chiah lo, putar maksak leh bawrchhawr tak a ni mai a. Chutih rual erawh chuan Pathian mi, thlarau lama mi ril tak niin a lang. Vawiin thlenga Pathian fakna hla chuai theilo

KRISTIAN THALAI’ CHHUAK TLAI DAWN

‘KRISTIAN THALAI’ CHHUAK TLAI DAWN : Synod Inkhawmpui thuchhuak Mizoram presbyterian Kohhran In tina sem tur thuziak Synod lamin Synod Press-ah an chhut tir mek a, hnadang zawng zawng ti tawpin chu lam chu Press lam hian an buaipui a tul a, Synod press pawhin Editorial Board ah hriatthiamna an rawn dil a ni. Chuvang chuan February ‘Kristian Thalai’ chanchinbu issue hi a chhuak tlai deuh dawn a ni tih kan inhriattir a, member te hriatthiamna kan dil e. - Editor Kristian Thalai -

HNARUAK

*HNARUAK DIL THEIH* _January 31, 2020 | NOTIFICATIONS_ Mizoram Presbyterian Kohhran hnuaiah heng hna te hi a ruak a, kum 18-35 inkar, ni 12.3.2020-a kum 18 tling, kum 35 la pumhlum lo, zuk leh hmuama fihlim, Presbyterian Kohhran mi tan dil theih a ni. Hna dilna Form chu Dt. 3.2.2020 (Thawhtanni) atangin Synod Office (Aizawl leh Lunglei)-ah lak chhuah theih a ni ang. Dilna hi Synod Office, Aizawl-ah thehluh tur a ni a. Application form man Rs. 20/- a ni. Hna dilna Form-ah hriat tur pawimawh tihlan a ni. 1. Synod Office etc. a thawk tur - Office Assistant (Contract) Post - 3 Thiamna : HSLC or above of any recognised board with a fair knowledge of Computer Hlawh : Synod hnuaia Office Assistant (Contract)-a rawihna hlawh 2. Synod Hospital, Durtlang-a thawk tur - Laundry Supervisor (Contract) Post - 1 Thiamna : HSLC or above of any recognised board Hlawh : Synod hnuaia Laundry Supervisor (Contract)-a rawihte hlawh Dil theih hun chhung : Dt. 3.3.2020 (Thawhlehni), 3:00 p.m. thleng Screening test/exam : Dt. 5.3.2020 (Ningani), 10:30 a.m. Interview : Dt. 12.3.2020 (Ningani), 11:00 a.m.

NUN HRUAITU

*NUN HRUAITU* February 6 _Matthaia 5 : 13_ Lei chi in ni e; nimahsela chi hi a dak tawh chuan engin nge an tihal leh ang? Chuta chinah chuan paih chhuah a, mihringte rah mai mai chauhvah lo chuan eng atan mah a tlaktlai lo. ~~~~~~~~~~~~~~~ _Mi, Talent nei țha tak ni chung a Kohhran leh Khawtlang a hman hleihtheih si loh a awm theih ta viau mai. Pathian in theihna min pek hi hmang chhuak turin min duh a ni._ _Kan thiamna leh theihna te Pathian ropui nan hmang ila, paihchhuah ngai khawp kan nih loh nan nitin Isua i hmangaih deuh deuh ang u._

LAWM THU SAWINA

Kohhran Zaipawl te kan inpekna leh theihtawp kan chhuahna azarah Bial KTP Khawmpui chhungin Zaipawl tha tak kan nei thei a, lawmthu kan sawi tak meuh meuh e,

LALPA'N A LET TAMTAK IN MALSAWM CHE U RAWH SE

"Engkim thaw thei tawh phawt chuan LALPA chu fak rawh se, LALPA chu fak rawh u"

RAWNGBAWLNA NUNG LEH THILTITHEI NEI TURA KE PENTE NUN HIAN RAWNGBAWLTUTE HI MIN CHO SE A VA DUHAWM EM!

*RAWNGBAWLNA NUNG LEH THILTITHEI NEI  TURA KE PENTE NUN HIAN RAWNGBAWLTUTE HI MIN CHO SE A VA DUHAWM EM!*

1. *Isua :* Kum 30 a nih chiahin rawnga bawl ṭan a. Ni 40 leh zan 40 chawngheiin rawng a bawl hmain a intichak. Nitin a zirtir a, zan tin ṭawngṭaiin a chhuak ṭhin(Luka 21:37). Tlangah a fianrial ziah bawk(Luka 5:16, Johana 6:15, 8:1, ldt)

2. *Baptistu Johana :* Thlaler ah rawngbawlin a inserh hrang(Mat 3:3, Luka 3:2). A hnenah chaw miten hmuin mi rilṭam ten an pan.

Leadership Training

*Leadership Training*
A hun         : Ni 10.1.2020 (Zirtawpni) Zan Dar 6:30
A hmun          : Kohhran Hall
Hruaitu         : Pu PD Vanlalzawna, Leader
Resource Person : Rev. Lalchawimawia
Branch Committee member te, Group tin OB te leh Committee member te chu ngaipawimawh tur leh kim taka kal vek tura ngen leh hriatir kan ni.
          I thei dawn lo anih chuan theih loh chhan chiang takin Branch Secretary i han hriattir dawn nia.

MATTHAIA GROUP REPORT

Matthaia Group te chuan Ni 29/01/202 khan Group Sum tuakin Lei an lai a. Mi 23 lai mai an thawkchhuak a..In Hlawhna tha tak siam sak tu.. Pu Lamawia hnen ah pawh an lawm hle ani..

•  

KTP INKHAWM

KTP INKHAWM

A hmun :- Biakin
A hun  :- 21/02/2020
*A HUN A THLENG DAWN TA*


*Zaninah Bial Inkhawmpui tan a ni dawn ta.. Kohhran Zaipawl ten hla kan rem dawn a, enlawkna a awm dawn lo a.. Amaherawhchu a thlengtu Branch kan nih dawn avangin Zaipawl member te biakin lamah a hma thei ang ber in kal tum ang u o*

*Hla kan zir a nih chuan tel hrim hrim tum ila.. A hla ziak kan sem tel dawn e a mamawh tan*
Hruaitu :- Lalramzaua
Subj :- Hla Zir

BIAL KTP CONFERENCE MEMBER HRIATTIRNA

*A HUN A THLENG DAWN TA*


*Zaninah Bial Inkhawmpui tan a ni dawn ta.. Kohhran Zaipawl ten hla kan rem dawn a, enlawkna a awm dawn lo a.. Amaherawhchu a thlengtu Branch kan nih dawn avangin Zaipawl member te biakin lamah a hma thei ang ber in kal tum ang u o*

*Hla kan zir a nih chuan tel hrim hrim tum ila.. A hla ziak kan sem tel dawn e a mamawh tan*

NUN HRUAITU

*NUN HRUAITU*
February 4

_1 Korinth 1 : 27 - 28_

Nimahsela Pathianin khawvel thil âte chu a thlang zawk a, mi fingte chu a tihmualpho theihna turin.

Tin, Pathianin khawvel thil chak lote chu a thlang a, thil chakte chu a tihmualpho theihna turin.

Tin, khawvel thil chhia leh thil hmuhsitawmte, thil awm lote nen lam Pathianin a thlang a, thil awmte chu engmah lova a siam theihna turin.

~~~~~~~~~~~~~~~

_Pathian rawngbawl tur emaw, Pathian duhzawng ti tur emaw hian mihring lamah theihna leh thiamna chhuan tur neih a ngai hran lo a, 'Inpekna' a pawimawh._

_Thil awmlo te nen lam hmang duhtu Pathian hian keini mai mai pawh hi a hna thawk a, a rawngbawl turin min duh a ni. Tlinglo, zeilo, Thiam neilo pawh ni mah la Lalpa tan te lua a awm lo. Mahni phak tawk țheuhah tih theih kan nei tih i hria ang u._

MISS MIZORAM LEH KEI

Miss Mizoram thlan turah hian a tehfung pakhatah 'virgin' tih tel se ka va ti em! Rawt pha ni ila, hnawl a nih dawn pawhin ka rawt tho ang!

Kan ram, Mizoram, Pathian ramah hian thianghlimna hi kan ngaihsan thar leh zual a ngai. Kan ramah hian sex ațanga inkaichhawn natna a hluar an ti tlat! Nula thianghlim ngaihsan leh ngaihlut hi inzirtir thar kan mamawh. Tlangval thianghlim pawh!

INSTAGRAM ACCOUNT THAR

Kan Branch Chuan IG Account a siam ta e.. a thei thei kha chuan Follow ang aww

https://instagram.com/leitansouthbranch_ktp?igshid=10e99li1wptti

NUN HRUAITU

*NUN HRUAITU*
February 5

_Johana 11 : 1 - 3_

Tin, mi pakhat, Mari leh a laizawn Marthi awmna khua Bethani-a mi, Lazara, damlo a awm a.

Tin, a farnuten Isua hnenah, “Lalpa, ngai teh, i hmangaih kha a dam lo ve,” tiin mi an tir a.

~~~~~~~~~~~~~~~

_Bethani khuaa Lazara hi  chanchin hriat thui tur a awm lo na a, a chanchin a lannaah 'Lal Isua hmangaih' a ni tih leh 'Thlan ata kaihthawh' a nih hi a ropui hle a ni._

_'Lal Isua hmangaih' ni ve tur hian eng nge kan tih ang? 'A hriat' ni tur hian eng nge kan tih ang? 'Ka awm angin ka lo kal ang'... Kan nih ang anga Lal Isua hnaih leh zui hi a ngai a ni._

_Amah kan hriat mai a tâwk lo, ama'n min hriat a ngai a ni. 'Nitin Isua ka thinlungin ka hmangaih deuh deuh a' ti thei turin i inbuatsaih ang u._

BRANCH NEWS

📢📢📢

*BRANCH LEI LAIH HNATLANG*

A HMUN : ATC

A HUN : 7.02.2020 ZIRTAWP ZAN DAR 6:30

MEMBER ZAWNG ZAWNGTE KUMIN CHHUNGA BRANCH SUM TUAKNA HMASA BER HNATLANGA RAWN TEL THEUH TURIN KAN INSAWM IN KAN INNGEN A NI.

📢🥨🧈🍖🍗🍔EI LEH TUI TAK A AWM BAWK DAWN E 🥓🍟🍔🥩🍗🌭🍖

AW A VA NUAM DAWN EM.

Member inchhiarna leh thlalak hona📸 a awm bawk ang.

KTP INKHAWM

KTP INKHAWM

A hmun :- Biakin
A hun  :- 21/02/2020

Hruaitu :- Lalramzaua
Subj :- Hla Zir

MIND YOUR OWN BUSINESS

MIND YOUR OWN BUSINESS

                 -amama-

“Ka nu, nangman kaldan min zirtir rawh” tiin anmahni hmu diklo a, tihdan țha zawk hria ni awmtaka zilhhautu an nu hnenah Chakai naupangho khan an chhanga, Chakai chu a kutchilohawi reng mai a nih kha. I hmakhua ngai la, midang chu an thak thakin thak teh se, nang zawng mahni tana tha turin i hma sial teh khai, te pawh a tih theih anga, “Lengdang zawngte chu sirah lo hnawl phawt la  harsatna a awm hian ka ringlo....” te pawh kan tiduah thei ang chu maw.

Nupui Uire

NUPUI UIRE ( Ka hringnun a ka hun tawn hrehawm ber chu )                                                                                                     Kum 1998 : Mizoram High School Games kan han nei a, a zorampum huap a kan han in el luih luih mai chuh ! Nuam teh a sin. . .  Lawmman an han sem a, ka lawmman dawn te leh ka certificate dawn tur ang ang te ka dawn zawh hnu chuan, ka chhungte PCO a tang in ka telephone nghal vat a. . Min lawmpui zia leh lawm ve ngei a ngai dawn a nih chu. Min han ti mai chuh. . Rilru tak in ka lo in chhuang ve em em a. .. . . .

NUPUI UIRE

NUPUI UIRE ( Ka hringnun a ka hun tawn hrehawm ber chu )                                                                                                     Kum 1998 : Mizoram High School Games kan han nei a, a zorampum huap a kan han in el luih luih mai chuh ! Nuam teh a sin. . .  Lawmman an han sem a, ka lawmman dawn te leh ka certificate dawn tur ang ang te ka dawn zawh hnu chuan, ka chhungte PCO a tang in ka telephone nghal vat a. . Min lawmpui zia leh lawm ve ngei a ngai dawn a nih chu. Min han ti mai chuh. . Rilru tak in ka lo in chhuang ve em em a. .. . . .