HEI LE PU CHAWNGKHUPA

HEI LE PU CHAWNGKHUPA -

Vanneihthanga 14th January, 2017 (MSR) : He Pu Chawngkhupa thlak hi whatsapp group pakhat Thenzawl Vachadil group-ah Pu Piangliana (RS Villa) in vawiin tlai khan a rawn post hlauh mai a. Ka lawm hle mai. Pu Chawngkhupa hi mi tamtak hmuh danah chuan mi ang phak chiah lo, putar maksak leh bawrchhawr tak a ni mai a. Chutih rual erawh chuan Pathian mi, thlarau lama mi ril tak niin a lang. Vawiin thlenga Pathian fakna hla chuai theilo
"Aw khawngaihtu Pathianin" tih hla phuahtu hi a ni. Pu Chawngkhupa dam lai hria leh hmu phak an la awm nual a, a chanchin chiang zawka sawi thei an awm nualin a rinawm. Pu Chawngkhupa kha Pathian pawlin ramhnuai lamah a tal tam hle niin a lang a. "Ka tlang thianghlimah chuan in tihnatna reng reng a awm tawh lovang" tih kha a takin a chen niin a lang. Sakeiin tui lian-a a puak kai chungchang te sawi tur a awm a, ramsa leh rannung chi hrang hrang a kawmin a be thei vek mai niin an sawi thin. Mihring ngaihah mi a ni mahse Pathianah chuan mi lian a nih ngei a rinawm.