HMANGAIHNA DIK

HMANGAIHNA DIK
In nun hi fimkhurpui hle teh u (Jer.17:19-23)
-Rev. Dr. L.H. Rawsea

Mipat hmeichhiat hman
sualna hian kan khawvel a chiah hneh
hle. Tunlaia kan harsatna lian ber a
tling hial âwm e. Inrim a, inngaizawng
a, nupui pasala innei \hin kan ni a.
Hetah tak hian fimkhur a \ul hle mai.
Inrim lai vel hi harsatna khuarkhurum
thuk taka tlak palh hlauhawm hun a
ni, kan tluk loh nan kan fimkhur hle
tur a ni.

Sex lama tlute hi ‘an chesual
palh’ te hi kan han ti a. ‘Chesual’ pawh
hi a ni chiah em? ‘Palh’ phei chu an
awm thei dawn em ni? Palh a thlen
hmain tihluih a tam lutuk!
Infawh hi ‘sacred symbol’
anga ngaih a ni. Hmangaihna leh
induhna entirna chu a ni ngei e;
mahse, he thil hian tisa châkna a kai
tho va, sex lama ril\amna a thlen thei.
Chuvangin, infawh ngut ngut ang chi
phei hi chu nun hman khawlohna
kawngpui a ni thei. He kawnga luh
avanga nun tichhia a, dam chhûnga
inchhir ngawih ngawih eng emaw zat
an awm tawh. “Hmeichhiate tlakchhiat
kawnga hruaitu chu mipate an fawhna
hi a ni,” tih a nih kha. Hmeichhia tu
pawh, awlsam taka mipa infawhtir mai
\hin chu a him lo hle a ni.
|halaite hian kan ngaihtuah
chiang lo va, kan khawsaho hum hum
a. Mipa leh hmeichhia inhnaih taka
awm ho pawh kan hreh lo. Puipunna
hmuna lo inpawm kang ta vû vû te hi
an awm leh tlat \hin. Hei hian eng mah
dang a entir lo! ‘Ka la mawl zel e,’ tihna
mai a ni. Hnam dangin min hmusit
phah lehnghal!
Kut invawnsak hian taksa
inkhan a hring a, taksa inkhanin innel lehzualna a hring thei. Chutiangin sual
khur thûk takah an tla tawh mai \hin.
Lirthei hmanga inrim (vehicle
dating) pawh hi fimkur a \ha hle.
Tlangvalho hian bike leh car chak taka
han leuh puat puata mi thinlung lak
tur zawn ching an awm \hin. An hmu
ve mial \hin ni maw? “Lo chuang ve
ta che,” tia sawmna hi thlemna
hlauhawm tak a tling. Tunlai
khawvelah hian lirtheia inphurh a,
hmun fianral zawn hi Setana thu
zawmna \ha tak a ni. Pastor pakhat
chuan, “Lirthei chhung hi thlân
inhawng, nula leh tlangval sang tam
tak ten an thianghlimna an phum bona
a ni,” a ti. Hetah hian hmangaihna chu
sualah a chang \hin. Nula fel tak,
tlangval fel tak i nih chuan mahni
inzah la, tum fel tak nei tlat ang che.
Nawmsipbawlna hmun, hmun
thianghlim lo leh \awp takah reng reng
tu mah zui suh ang che. A bikin zu
awmnaah phei chuan party tur pawhin
kal miah loh tur. Kan nun tibawlhhlawh
a, ngaihtuahna fim min chhuhsak thei
lakah kan fimkhur tur a ni. I computer
leh cellphone velah mipat
hmeichhiatna thil \ha lo vawng ngai
suh ang che.
In inrimna velah pawh Isua
tel ve zel se. Isua chu in titi ngaithlatu,
puarak rinawm ni ngei rawh e.