(ṬHEN RUKNA)
Bible châng ⇒ Sam 37:1-8
Awle, kum 2019-2020 chhûnga kan kum puan thupui zir hnuhnung ber tur kan lo thleng leh ta
reng mai. He kan thupui zir tur hi Covid-19 avangin kan zirho thei ta si lo va, a zirlai hi a \ha bawk si
a, zir loh atan chuan a uiawm bawk nen; thiam ang angin kan han thai lang ve ang e.
Kristian nunah hian takna hi a pawimawh êm êm a, takna nei lo ringtu chuan belhchian a dawl
lo fo \hin. Kristian nun hi a hranpain a hlangin a awm thei lova, kan chênna hmun leh kan chhehvel,
chhûngkuaah te, ram leh hnam zia a\ang te hian lakhran theih tak tak a ni lova; nimahsela, engtin nge
chu Kristian nun chu kan nitin nunah kan lanchhuah tir theih ang tih hi kawmg hrang hrangin i lo thlir
ho dawn teh ang.
1. Zirnaah: Kristian |halai Pawl member tam tak hi chu zirlai ni mêk kan ni a, zirna hi mihring
nunah a pawimawh zia chu kan hre tlâng vek awm e. Zirna hi hmasawnna bul, thiamna kailawn,
changkânna bul a ni a, chu chu hre reng mah ila, bei \ang \ang a, a tawp thleng peih erawh kan
\hahnem lo \hin hle mai. A kalkawng hi a thui a, harsatna paltlang tur tam tak a awm a ni. Chu thil
hmachhawn chu thil namai lo tak a ni \hin.
Kan zirlai kan zirna kawngah te hian kan rinawm tawk em, mi zir sa leh homework,
assignment tih sa ringin kan zir ve mai mai \hin em, tih te hi kan inenfiah fo a \ul awm e. Pawl sawn
ve reng si hian, thiam lo tak leh dik lo takin kan lo zir chhuak ve mai ang tih a hlauhawm hle mai.
Inenfiah fo \hin ila, exam-naah te entawn hrât kan nih chuan a dik dawn lova, Kristian ni si hian, kan
bula mi ten keimahniah ringtu nihna hmel an hmuh loh a hlauhawm hle a ni. Chuvangin, ti ve mai mai
zirlai ni lovin, hlawhtling ngei tura zir peih kan nih a ngai a. Teirei peih, tih tak takna, urhsunna hi
zirna kawnga hlawhtlinna min petute an ni.
2. Hnathawhnaah: |halaite zingah hian eizawngtu dinhmuna ding, hnathawk tam tak kan awm. Eng
hna pawh hi nuam ti tak leh tui taka kan thawh chuan hna zahawm a tling vek mai. Pathianin min
pekah pawm ila, a lawmawm zual duh hle. Hna reng reng hi sang bik leh hniam bik a awm lova, a
hna neituin a pawm dan azirin hna chu a lang ropuiin a ropui lo mai zawk a ni. A pawimawh ber
erawh chu, kan hnaah kan rinawm em tih hi a ni. Hotute leh thawhpuite awm lai chauh a thawk \ha,
an awm loh laia zelthel mi kan nih chuan a dik lova; Kristian nun nen a inhmeh lo em em a ni.
Takna neitu ringtu chuan dik tak, taima tak leh rinawm taka hna a thawh mai \hin. Mite fak leh
dem a ngaihsak ber lova, a thawh \hat zia chu a thawhpui ten an hre mai \hin a, thawhpui a nuam em
em zel. Hnathawh hona leh nun honaah hian \awng tam loh a \ha a, mahni lei veng \ha mi chuan
buaina a pumpelh a, dikna leh mi tak nih a hlawh \hin. Hei hi takna neitu zia leh nunphung dik tak chu
a lo ni.
3. Chhungkuaah: Kristian nun takna chu chhungkuaah leh hmun dangah a danglam ngai lova, khawi
hmunah pawh awm se, chenpui a nuam êm êm \hin. Hei hi Mizo ringtuten kan nei tawk lo fo \hin niin
a lang. Kan fimkhur leh inenfiah fo a ngai awm e. Rinawmna, chhûngril lam takna, dikna,
thianghlimna, Pathian \ihna te hi pawn lamah chauh ni lovin, kan chhungkuaah kan lanchhuah tir
ngam a pawimawh hle mai. Mahni chênpuite hian kan mizia an hre ril ber, tia an sawi \hin angin, kan
chenpuite tana chenpui nuam ni turin mahni \heuh hi inenfiah \hin ila a va nuam dawn em! Mahni
chenpuite bumtu ni lovin hmangaihtu nih i tum fo zawk ang u.
4. Khawtlangah: Kristianna hi mimal thil mah ni se, mihringte hi a huhoa chêng \hin kan ni a; mahni
chauhin kan nung thei lova, inmamawh tawn vek kan ni. Mizote hi kan pi leh pute hun a\ang daih
tawh a inkaihhruaina mumal tak leh ziak loh dân mawi tak zawm \hin leh nunpui \hin hnam kan ni.
Hetah hian aia upa zahna te, rethei leh pachhiate \anpuia, chhiatni \hatnia inphatsan ngai lo, a taka nunpui \hin kan ni tih hi theihnghilh lo ila. He nunze mawi tak hi Kristian kan nih hnu pawhin kan la
chhawm nung reng a ni.
Hetiang karah hian mi taima lo, khawtlang huapa hnatlang leh hnathawh nikhuaa zelthel leh
zawmthaw tak kan awm \hin. A pawi hle mai, Kristian nun nen a inhmeh lo lehzual. Sim vat a \ha
ang. Tin, in\henawm khawvennaah te hian mi duhâm, \henawmte nêk chîng an awm fo, hei hian
buaina tam tak a siam a, a pawi hle \hin hle mai. Chutiang mi ni lo tura kan nun uluk a, \henawmte
tana \henawm \ha ni turin i inbuatsaih fo zawk ang u. Tin, lei leh hralh chungchângah pawh mi
rinawm tak nih a \ul a, bûk tling ngei, a hrisel leh \ha ngei zuara, hralh ngam mi nih tum bawk ila.
Tin, midangte thurualpui theih loh khawpa mahni inla fêkfawn te hi thawhhona boruak tichhetu a ni a,
kan pumpelh fo a \ha. Duh fir lutukna hi \ha angin lang \hin mah se, midang tan phurrit siamtu leh
hnawksak a chang thei. Chutih rualin, Kristian nun takna palzam lova, sual ti ngampa lo tura kan
fimkhur erawh a \ul ang.
5. Inngaihzawnnaah: |halai member zinga a tam zawk hi chu nupui pasal la nei lo, ‘zawnglai’ kan ni
a, zawnglai chuan duhzawng leh \ha tih bik riau te kan nei vek a. Hei hi thil zahthlak a ni lova,
Pathianin min siamdân a ni a, a ropui zawk hle a ni. Induhna leh inîtna te hi mihring ziaa bet tlat a ni
a, mihring chungchuanna tilangtu pakhat a ni. Nula leh tlangval induhtawnna chuan inngaihzawnna leh
innthlakhlelhna a hring a, chu chuan nupa pumkhatah a siam \hin a ni.
Amaherawhchu, inngaizawngte hian Pathian leh a Kohhran dan thianghlim hmanga kan inneih
hma chu nupa kan la ni lo tih kan hre reng tur a ni a, kan thianghlimna vawng \ha turin fimkhur takin
kan awm \hin tur a ni. In\hen avanga a tu emaw zawk zawk rinawm lo leh rintlak lova inchhuah vak te
hi thil \ha a ni ber lova, pumpelh a \ha awm e. Pathianin kan kawppui âwm mi kan neih theihna tura
kawng min ruat sakna a ni ve tlat thei! Chuvangin, kan pawm thiam ve a ngai \hin.
Tin, inneih hmaa mipat-hmeichhiatna hman hi Pathianin a phal lova, Kristian nun takna neitute
tan thil inhmeh lo tak a ni bawk. Pathian leh a Kohhran ramri pela kal hi a fuh lova, a thianghlim
lova, Pathian dân bawhchhiatna leh sual lian tak a ni tel bawk. Tin, a hnua inchhirna leh mahni insitna
thlentu a ni thei a, chuvangin Kristian \halai, takna leh rinawmna neitu tan chuan ramri pela kal loh hi
a him ber a ni.
Tlangkawmna: Ringtute chuan kan nitin nun kawng hrang hrangah hian takna kan neih a ngai a,
hetah hian rinawmna, rintlakna, belhchiandawlna, teirei peihna leh a \ha zawk duhna te kan thlan zel
hi a pawimawh a ni. A awlsam leh nuam zawk, hahdam zawk anga lang te thlang mai lovin, Pathian
duhzawng a ni em tih i inzawt fo zawk ang u. Lalpan takna a beisei chu mihringah a ngai reng a,
khawvel miten an pawm leh pawm loh kha a tehna a ni lo va, an lawm leh lawm loh viau kha a tehna
a ni hek lo. Dik tak, thianghlim tak, fel tak, Lalpa mita \ha kha a duh chu a ni. Chutiang chu amah
ringtute awmdan tur dik tak a ni a, Thlarau Thianghlim puihna leh rinchhanin chu Kristian nun –
takna chu kan nei thei a ni.
No comments:
Post a Comment