Rebecca Lalngaihawmi, Marka Group
'Kraws' hi ringtute tan chuan a va'n pawimawh si em! Kraws chu khawvel nena min țhen hrangtu, Krista hnen min hruai thlengtu a ni a, chutah chuan tawrhna leh mualphona a ințan a ni. Kraws chu mi hmuhsit, endawng, misual bera an chhal te an hremna hmun, an khenbehna hmun a ni a, thihna rapthlak bera ngaih a ni. Chu hmunah chuan min chhandamtu, kan Lal Isua ngei chu khenbehin a awm asin. Mi tam takin Kraws hi hmusitin endawng mah se, chutah chuan damna a awm tlat si. A mak a ni tiru.. Tuarna, mualphona leh hmuhsit pawh pawisa lovin a ni Lal Isua hian kan tan a lo tuar ni. Ngaihtuah chian poh leh a makin a ropui a ni. Khawvel mihring zawng zawng sual phura a tawrhna kha a namai lo asin. Chhungkuaa mi pakhat chauh pawh an awmțhat duh lova, sual kawng an zawh chuan kan rilru a na a, kan rûm vawng vawng țhin. Zan mu kan chhing thei lova, chhungrilah kan țap a, kan nunphung a buai vek țhin a ni tiraw? Nimahsela, kan Lal Isua erawh chuan mi pakhat mai pawh ni lo, mi zawng zawng aiawhin, kan sual man tlak nan, min chhandam turin Kraws-ah ngei chuan a tuarin a thi asin. A ropuizia hi chhut ve chhin mah teh u, lawm avangin i mittui a luang nawn leh țhin ang.
Chhandam kan nihna tura a inpekna hi a thukin a sang a ni. A man hi pe dawn ila, kan damchhung zawng hian kan pe seng lovang. A hnungzui a, a duhzawng anga awm mai hi kan mawhphurhna a va ni em! A hrechiangtu leh hmuchiangtu te chuan an tlanbosan phal tawh ngai lo asin.
Judate khan Messia lo kal hun tur kha nghakhlel takin an thlir țhin a, nasa takin an lo inbuatsaih a nih kha. Pathianin a zawlneite hmangin Messia lo kal tur hi vawi tam tak a lo hriattir tawh a, chumi avang chuan Judate pawhin an hmuh loh hlauvin an lo inbuatsaih ve nasa hle a. Nimahsela, an tum leh rilruk angin Isua chu a piang ta hauh lo mai le.. Ropui taka lo kal tura an beisei kha ran in tlawm takah a lo piang ta daih mai si a, mi tam tak chuan Messia niin an ngai thei lo a ni, a pianna hmun a tlawm ém avangin. Nimahsela, Pathian remruat dan chu mihring remruat dan nen a inang si lo. Mihring chuan ropuina ațangin bul țan kan duh a, a nuam kan ti țhin. Mahse, min chhandamtu Lal Isua erawh chuan hmun tlawm ațangin bul a rawn țan, tlawmna nun ațangin rawngbawlna hna a rawn thawk țan a ni. A mak a ni tiru? Mahni lam ralna ațangin a ni he chhandamna kawng hi a lo ințan ni, khawvel mite tan chuan hriatthiam theih rual a ni si lo.
'Kraws Thu chu boral mekte tan chuan âtna a ni si a' tia kan hmuh ang khan he Kraws Thu hi a hrethiam lo te tan chuan nuihzathlak, rinna atthlak mai a ni. An tan chuan hlutna a awm lo reng a ni, an hriatthiam ve miau loh avangin. Nimahsela, keini Lal Isua ringtute tan erawh chuan kan engkima engkim a ni a, kan damna leh kan innghahna ber a ni thung si. Krawsah chuan mualphona leh tawrhna awm țhin mah se, a ropuina leh hlutna kan hmuh chian tawh ém avangin chu Kraws chu kan thlahthlam phal tawh ngai lo a ni. Kraws chu kan nunna nen a inzawm tlat tawh avangin, miten hmusitin diriam mah se, a tel lovin kan nun hi a famkim tawh si lo.
Kraws thleng lo hian Pathian rawngbawlna hna i lo thawk hlauh ange, Kraws kawng chu a bumboh a, kawng nuam a ni si lova. Tawrhna leh harsatna tinreng hmachhawn a ngai si a, mualphona thlengin. Chu kawngah chuan paltlang tur a tam em em a, kawng awlsam a ni mawlh lo. Nimahsela, chung zawng zawng chuan damna, hlimna, thlamuanna min thlen a, lawmnain kan lo khat zawk țhin a ni. Kraws kawng zawh turin Lal Isuan a nghak reng che, duhthlanna chu i ta a ni e. Khawilam kawng nge i zawh dâwn le?
'Kraws' hi ringtute tan chuan a va'n pawimawh si em! Kraws chu khawvel nena min țhen hrangtu, Krista hnen min hruai thlengtu a ni a, chutah chuan tawrhna leh mualphona a ințan a ni. Kraws chu mi hmuhsit, endawng, misual bera an chhal te an hremna hmun, an khenbehna hmun a ni a, thihna rapthlak bera ngaih a ni. Chu hmunah chuan min chhandamtu, kan Lal Isua ngei chu khenbehin a awm asin. Mi tam takin Kraws hi hmusitin endawng mah se, chutah chuan damna a awm tlat si. A mak a ni tiru.. Tuarna, mualphona leh hmuhsit pawh pawisa lovin a ni Lal Isua hian kan tan a lo tuar ni. Ngaihtuah chian poh leh a makin a ropui a ni. Khawvel mihring zawng zawng sual phura a tawrhna kha a namai lo asin. Chhungkuaa mi pakhat chauh pawh an awmțhat duh lova, sual kawng an zawh chuan kan rilru a na a, kan rûm vawng vawng țhin. Zan mu kan chhing thei lova, chhungrilah kan țap a, kan nunphung a buai vek țhin a ni tiraw? Nimahsela, kan Lal Isua erawh chuan mi pakhat mai pawh ni lo, mi zawng zawng aiawhin, kan sual man tlak nan, min chhandam turin Kraws-ah ngei chuan a tuarin a thi asin. A ropuizia hi chhut ve chhin mah teh u, lawm avangin i mittui a luang nawn leh țhin ang.
Chhandam kan nihna tura a inpekna hi a thukin a sang a ni. A man hi pe dawn ila, kan damchhung zawng hian kan pe seng lovang. A hnungzui a, a duhzawng anga awm mai hi kan mawhphurhna a va ni em! A hrechiangtu leh hmuchiangtu te chuan an tlanbosan phal tawh ngai lo asin.
Judate khan Messia lo kal hun tur kha nghakhlel takin an thlir țhin a, nasa takin an lo inbuatsaih a nih kha. Pathianin a zawlneite hmangin Messia lo kal tur hi vawi tam tak a lo hriattir tawh a, chumi avang chuan Judate pawhin an hmuh loh hlauvin an lo inbuatsaih ve nasa hle a. Nimahsela, an tum leh rilruk angin Isua chu a piang ta hauh lo mai le.. Ropui taka lo kal tura an beisei kha ran in tlawm takah a lo piang ta daih mai si a, mi tam tak chuan Messia niin an ngai thei lo a ni, a pianna hmun a tlawm ém avangin. Nimahsela, Pathian remruat dan chu mihring remruat dan nen a inang si lo. Mihring chuan ropuina ațangin bul țan kan duh a, a nuam kan ti țhin. Mahse, min chhandamtu Lal Isua erawh chuan hmun tlawm ațangin bul a rawn țan, tlawmna nun ațangin rawngbawlna hna a rawn thawk țan a ni. A mak a ni tiru? Mahni lam ralna ațangin a ni he chhandamna kawng hi a lo ințan ni, khawvel mite tan chuan hriatthiam theih rual a ni si lo.
'Kraws Thu chu boral mekte tan chuan âtna a ni si a' tia kan hmuh ang khan he Kraws Thu hi a hrethiam lo te tan chuan nuihzathlak, rinna atthlak mai a ni. An tan chuan hlutna a awm lo reng a ni, an hriatthiam ve miau loh avangin. Nimahsela, keini Lal Isua ringtute tan erawh chuan kan engkima engkim a ni a, kan damna leh kan innghahna ber a ni thung si. Krawsah chuan mualphona leh tawrhna awm țhin mah se, a ropuina leh hlutna kan hmuh chian tawh ém avangin chu Kraws chu kan thlahthlam phal tawh ngai lo a ni. Kraws chu kan nunna nen a inzawm tlat tawh avangin, miten hmusitin diriam mah se, a tel lovin kan nun hi a famkim tawh si lo.
Kraws thleng lo hian Pathian rawngbawlna hna i lo thawk hlauh ange, Kraws kawng chu a bumboh a, kawng nuam a ni si lova. Tawrhna leh harsatna tinreng hmachhawn a ngai si a, mualphona thlengin. Chu kawngah chuan paltlang tur a tam em em a, kawng awlsam a ni mawlh lo. Nimahsela, chung zawng zawng chuan damna, hlimna, thlamuanna min thlen a, lawmnain kan lo khat zawk țhin a ni. Kraws kawng zawh turin Lal Isuan a nghak reng che, duhthlanna chu i ta a ni e. Khawilam kawng nge i zawh dâwn le?
Tha thin ve o
ReplyDelete