K.T.P. Kumpuan Thupui : PATHIAN HNAIH -THUPUI II: PATHIAN HNAIH PAWIMAWHNA

 K.T.P. Kumpuan Thupui : PATHIAN HNAIH

THUPUI II: PATHIAN HNAIH PAWIMAWHNA

Chhiar tur: Johana 15:1-5: Hebrai 4:16

Pathian hnaih chu eng nge a ṭulna? Pathian hnaih chu eng anga pawimawh nge a nih? Heng zawhnate hi heti hian chhâng dawn ila. 

1. Sual Hnehna a ni: Sual a pun mêkna khawvelah hian Pathian hnaih hi kan chakna a ni tih hre reng ila. Sual chu eng anga nasa pawhin rawn thawk mah se min tichaktu Pathian avangin hnehna kan chang zel ang. Pathian chakna rinchhantuten hmelma an hneh ṭhin.

2. Khawngaih dawnna hnar a ni: Pathian khawngaihna hi a thuk a, kan phu loh hmangaihna a ni. Chu chu chang ve turin tih tur kan nei. Fain a dil hun nghaka Pain thil ṭha tak a thukru khiau angin kan Pathian hian khawngaihna kan dawn theih nan, amah chu hnaih turin min duh a ni.

*3. Pathian hnaih chu rah chhuah theihna a ni:*  Pathian hnaiha awmte nunah chuan Krista a lal ṭhin a, chu chuan midangte a hip a, Lal Isua hnenah midang an hruai ṭhin. Pathian hnaihin awm ila, midangte tana zo thamin zar kan chhuah ngei ang.

4. Hlawhtlinna bul a ni: Pathian chu hlawhtlinna kawng min kawh hmuhtu a ni. Pathian hruaia awmte chu an thiltihah malsawmin an awm a, an hlawhtling ṭhin. Hlawhtlinna chu Pathian khawngaihna leh malsawmsakna avanga kan chan a ni. Hlawhtlinna chuan he lei malsawmna chauh ni lovin taksa, rilru leh thlarau lama malsawmna a keng a. Kan finna te, chakna te, thiltihtheihna te hi a tlem hle. Kan theih baka chuang ṭhin chu kan Pathian a ni. Chuvangin kan Pathian hi bel tlat ila, hlawhchhamin min siam lo vang.

Sawi ho turte:

Tunlai Ţhalaite hian Pathian hnaih pawimawhna kan hre tawkin kan hria em?

Pathian hnaih hlawkna nia kan hriatte sawi ho ila, kan sawi tawh bak sawi belh tur kan hriat apiangte sawiho ni se.

Media & Archive Sub-committee

KȚP Leitan South Branch