KTP IP sawi fiahna

      KTP Ip hi kumin hian Branch kalphung thar a ni a, kum danga ‘Faith Promise’ tih \hin kha a hming tharah ‘KTP Ip’ tih mai chauh a ni. Faith Promise nen danglamna awm bawk mah se a tum chu a thuhmun reng a, amaherawhchu intiam lâwk lovin member tinin kan remchan ang tawk Ipah hian thla tin kan dah mai dawn a ni. He ip hi Pathian Ram nen thuhmuna ngaih tur a ni lo va, KTP pual liau liau a ni tih kan hriat reng a tul âwm e. He ip-ah hian Head pathum (3) a awm a, Missionary chawmna, Inrelbawlna leh Project head a awm. Heng head hrang hrang pathumah hian kan dah zât kha kan rilrua a thawh ang angin kan sem darh mai dawn a ni. Entir nan- Tun thlaah ` 300 ka lo pe dawn a, Missionary châwmnaah ` 150, Inrelbawlnaah ` 100, Project-ah ` 50 tihin ka ziak ang a, chu chu min bialtuten an rawn khawn hunah an chhinchhiah zel mai dawn a ni. K|P hian rawngbawlna chi hrang hrang kan nei a, kan sum hmuhna pui ber chu member-ten rilru \awng\aina nen kan theih ang tawk kan thawh khawm a\ang hian a ni ber a, chu vang chuan memberte \hahnem ngai takin kan phak leh phal ang tawk tawkah thilpeka \hahnem ngai leh zual turin kan inchah thar leh e 

GROUP REPORT

 MIKA GROUP 

 Group Thuvawn: Mika 7:8 “Aw ka hmelma, mi diriam mai suh; ka tluk hun chuan ka tho leh ang; thima ka thut pawhin LALPA chu ka tan êng a ni ang.” 

 Sum tuakna January ni 19 (Nilaini) khan tuikhuah sangha zuarin sum tuak hnatlang an nei a, sangha kg 160 lai hralhin lo leisaktu zawng zawngte chungah lawmthu an sawi a ni. Hnatlangah hian member 15 an thawk chhuak.

 JOELA GROUP 

 Sum tuakna January ni 27 (Ningani) khan sarêp zuarin an hnatlang a, member 8 thawk chhuakin vawk sarêp khai 55 leh bawng sarêp khai 54 an hralh zo. Duhsaka lo leisaktute chungah lawmthu an sawi a ni. 

 AMOSA GROUP

 Group Thuvawn: Amosa 5:14 “In nun theih nan \hat lohna zawng lovin, thatna zawng ula; tin, in sawi angin, Lalpa sipaihote Pathian chu in hnenah a awm ang” Hmachhawp Thla thar February atangin sum tuaka chet chhuah an tum. 

 GROUP LAWMMAN

 Group tinte hian kum tawpah hengahte hian lawmman pek an tum.

 1. Group Member zinga thawhhlawk ber/active ber Mipa leh Hmeichhia thlan chhuah te hnenah . Hei hian Group OB leh Representative-te a huam lo vang. 

 2. Group member Holy Bible chhiar chhuakte hnenah. 

 3. Mika Group leh Amosa Group-te chuan kum tawpa sum neih dan azirin Group Committee kal kim lawmman siam an tum.

CHHANDAMNA FAMKIM

                                    CHHANDAMNA FAMKIM 

                                         Chhiar tur: Rom 6: 6-7 ~ 

                                                  Pi Lalluii 

                                 Asst Secretary, Kohhran Hmeichhia

 Pathian chhandamna tih thupui hi thupui lar leh sawi hlawh pawl tak a ni. Pathianin mi zawng zawng min chhandam , chhandam tawh chhandam mek, chhandam tur kan ni. Pathian chhandamna thu pawh hi sawi nawn fo leh hrilh nawn fo kan ngai. Presbyterian kohhran Thurin No. 5-naah Pathianin a fapa Lal Isua Krista hmangin chhandamna a rawn siam ta a ni tih thurin nghet tak kan nei. Rorelna dik lo, politics kal sual, mipui nun tlu chhia, hlemhletna leh khawvel thila intlansiakna, duhamnate; heng zawng zawng lak atangin Pathianin min chhandam tel vek a ni tih hi kan hre ta lo emaw ni chu aw, tih turin rawngbawltute pawh hi kan awm chang a awm ta fo mai. Sual huatna leh pawi tih lohna kan tlachham a, sual avanga lungngaihna leh thawpiknate hi ringtuten kan neih tawk loh avang te pawh hian sual hi a ngampa ta emaw tih mai te a awl thin. Kan ram leh hnamah sualna chi hrang hrang a pun leh a nasat em avanga thawpika rûm thin rawngbawltu/ringtu engzât tak awm ang maw? Zawlneite hunlai pawhin Jerusalem-ah inpawng nekna leh sualna chi hrang hrang nen, Pathian duh loh zawngin an khawsa nasa hle a ni. Zawlnei Ezekiela lehkhabu 9:4-ah “Khawpui chu fang la,Jerusalem chu fang chhuak rawh: achhunga thil tenawm tih tawhte avanga thawpika tap thinte chu an chalah chhinchhiah ang che.” tiin Lalpa’n a sawi. Chala chhinchhiahna nei lote chan chu a rapthlak hle mai. Hetah tak hian ringtute mawhphurhna a sâng hle a ni. Thih hnu piah lam mai ni lo, he leia kan dam chhung ngei pawhin duhamna, hlemhletna, chapona leh sualna chi hrang hrang lakah Pathianin min chhandam tih i hre thar leh ang u. Amen!

BIAL KTP CONFERENCE VAWI 17NA REPORT

 Kristian Thalai Pawl, Leitan Pastor Bial Conference vawi 17-na chu Pathian hruainain January 22-23, 2022 chhûng khan Leitan Ramthar Kohhran Biak Inah tluang taka neih a ni a.

Thupuiah “Pathian duh zâwng” (Rom 12:2) tih chu hman niin,Speaker atan Pastor J.H. Zaikima, Bialtu Pastor hman a ni. Thurelkan hriat âwmte leh Branch hrang hrangte Report (Jan - Dec,2021) tlangpui chu hetiang hi a ni:-

ROREL PALAI KAL DAN:

Leitan Branch   - 49

Leitan Ramthar Br -56

Leitan South Br.  -51

Total            -156

Ex-Officio 3

           G.Total 159

II. THURELTE:

1. CKTP hruaituten YRC Awareness Campaign

BRANCH COMMITTEE THUREL

 January ni 7, 2022 (Zirtawpni) nileng khan KṬP Leitan South Branch kum tir Committee chu Kohhran Hall-ah neih a ni a, agenda-te rel kim hman a nih loh avangin zan inkhawm rawngbawltu inhlan thar zawhah committee hi Kohhran Committee Room-ah chhunzawm a ni.

Thurel Ṭhenkhatte:-
1. Kum 2022 Budget atan ₹8,20,000 pawm a ni. Missionnary paruk chawm ṭhin chu Pasarihah tihsan a ni bawk.

 

RAWNGBAWLNA- HMANGAIHNA NEN

 

RAWNGBAWLNA- HMANGAIHNA NEN

Chhiar tur: Johana 15:1-12   

                            Pu PD Vanlalzawna

 Leader,

KṬP Leitan South Branch

Kan Bible chang târ lanin sawi a tum ber nia lang chu -Lal Isua ringtute chuan a thu kan awih ang a, amah nen kan inzawm tlat ang a,a zirtirnate leh a thupekte pawh kan zâwm ang a, amah zâwm lo, a thu zâwm lo leh a duh anga awm lote chu an la boral dawn tih ani a, mahse han chhiar chian chuan a pawimawh lai tak mai,kan hmuh hmaih fo chu hmangaihna thu bawk hi a ni.Bible-a Lal Isua chanchin kan chhiar chuan, a zirtirna \ha tak tak, tam tak hmuh tur a awma, mahse a thupek tak hi chu a tam lo hle mai. Helai changah hian chiang takin kan hmu a,“Hei hi ka thupek a ni, keiin ka hmangaih che u ang bawkin nangni inhmangaih ula.” tih kan hmu a, Lal Isua thupek anih avang hian inhmangaih tawnna hi amah kan rinc hhung chuan kan dah pawimawh hmasak reng hi thil pawimawh tak a ni.

 BRANCH PROJECT

Kumin chhunga KṬP branch

project pakhat Camera chu leitawh niin Praise & Worship buatsaih leh Laptop lei te chu tihh lawhtlin hmabak a ni.

LEADERSHIP TRAINING

January ni 29 (Inrinni) hian K|P Leadership Training neih tur a ni a.Group Committee member chin tel vek tura beisei an ni. Training pe tur hian Central KṬP hruaitute sawman ni a. Branch Leader Pu PD Vanlalzawna’n chawhma hun a kaihhruai ang a, chawhnu hun hi Asst. Leader Pu C. Lalremruata’n a kaihruai ang.

BIAL CONFERENCE

January ni 21-23 hian Leitan Ramthar Kohhranah K|P Leitan Pastor Bial Conference hman a ni dawn a.Kan branch atangin heng mite hi Bial K|P OB atan nominate an ni:

1. Pu PD Vanlalzawna

2. Pu Lalthlengliana

3. Pu C. Lalremruata

4. Pu C. Lallawmzuala

ACCOUNT TRAINING

January ni 15 (Inrinni) khan Leitan Kohhran Hall-ah Bial huap account vawn dan training neiha ni a. He hunah hian Bial leh Kohhran tina OB hrang hrang (Kohhran Hmeichhia, K|P, KPP,Masihi Sangati)-te an tel a, Synod Office-a Accounts lam thiamteni Zrtirna an rawn pe ani

BRANCH HNATLANG NEIH ANI

 January ni 10 (Thawh\anni) zan khan ATC-ah kopang

lungrem tifaiin kumin atana Branch hnatlang hmasa ber neih a

ni a. Hnatlangah hian member 84 lai thawk chhuakin, Group tin

a\anga hnatlang zat chu: Mika Group- 26, Joela Group- 27, Amosa

Group- 31 an ni.

Refreshment Sub-Committee-in hnatlang ei tur tuihnai tak

buatsaihin, hnathawh tura ruahman pawh tluang takin zawh fel

a ni a. Inhlawhna siamsaktu ATC hotute chungah Branch

hruaituten lawmthu an sawi a 

Pic : Hnatlang Ho te

2022 Branch Committee Members te

 

2022 LEITAN SOUTH BRANCH OFFICE BEARERS TE

 Kristian Țhalai Pawl, Leitan South Branch Office Bearers: 2022

(L-R): Tv. H. Lalliansanga (Finance Secretary), Pu Lalthlengliana (Treasurer), Tv. C. Lalrinhlua (Asst. Secretary), Pu C. Lallawmzuala (Secretary), Pu C. Lalremruata (Asst. Leader), Pu PD Vanlalzawna (Leader)